El Conceyu d’Avilés, per aciu de la conceyalía de Cooperación Internacional, repartió 200.000,00€ pa proyeutos de Cooperación al Desarrollu nel añu 2024.
Ente’l 11 d’abril y el 2 de mayu, presentáronse en total 22 Organizaciones Non Gubernamentales pa la Cooperación del Principáu d’Asturies, ensin ánimu de beneficiase, y qu’ente los sos oxetivos tienen el de facer actividaes rellacionaes cola cooperación al desarrollu, l’ayuda humanitaria y afitar la solidaridá ente los pueblos. De toles que se presentaron, 14 algamaron subvención. Les demás quedaron fuera por falta de créditu.
El criteriu pa repartir el dineru foi’l de siguir les condiciones llantaes na convocatoria. Cada proyeutu podía subvencionase como muncho con 20.000,00€.
Las 14 Organizaciones subvencionaes son:
|
ONGD solicitante |
Nome del Proyeutu |
Dineru que recibe |
| CRUZ ROJA ESPAÑOLA | Pa que l’alimentación y l’entornu escolar del alumnáu con discapacidá que va a los Centros d’Educación Especial y Discapacidá Sensorial de los campamentos de Refuxaos Saḥarauis (Tinfuf) seyan meyores. |
18.000,00€ |
| MEDICUS MUNDI NORTE | Atención sanitaria a muyeres embarazaes del área de Koulikoro (fase VI). |
18.000,00€ |
| MANOS UNIDAS | Poder llegar meyor al agua potable, hixene, y saneamientu na rexón de Sokodé. | 5.600,00€ |
| SOLDEPAZ PACHAKUTI | “Puxando pola agroecoloxía y la repoblación de les viesques coles muyeres como protagonistes en sitios onde hai Reforma Agraria como la rexón amazónica de Brasil”. | 16.000,00€ |
| FUNDACION EL PÁJARO AZUL | Construcción y equipamientu d’un internáu pa promover la escolarización de muyeres moces de los poblaos de Nikki. Fase I | 16.000,00€ |
| MOVIMIENTO ASTURIANO POR LA PAZ | Muyeres que puxen pol derechu al agua, al saneamientu y a ser les cabezaleres na comunidá Champerico, municipiu de Sayaxché, Petén. | 16.000,00€ |
| MÉDICOS DEL MUNDO | Meyora de la salú oftalmolóxica y óptica ente la población saḥaraui refuxao en Tinduf, Arxelia (Edición 2024). | 16.000,00€ |
| ARCO IRIS EDUCACIÓN PARA EL DESARROLLO |
Por puxar pol derechu de neños y neñes a una bona educación, inclusiva, respetuosa y llibre de violencia, y de fortalecimientu social y familiar en Santa Cruz de la Sierra. | 11.443,00€ |
| ASOCIACIÓN INGENIERIA SIN FRONTERAS | Refuerzu de les capacidades del Centru San Alberto Hurtado, como espaciu de referencia en formación politéunica empobinada al autoempléu pal espoxigue de la zona rural, con enfoque de xéneru y de derechos humanos. | 13.231,00€ |
| ASOCIACIÓN INFANCIA SIN FRONTERAS | Pa poder tener servicios de salú y nutrición infantil dientro la llucha escontra les principales enfermedaes infeccioses en Matagalpa. | 13.973,00€ |
| ASOCIACIÓN PUEBLO Y DIGNIDAD | “Sanar y xunir, pa vivir”: Atención sicosocial a les víctimes del conflictu armáu colombianu y construcción coleutiva de esixencies de xusticia, reparación y garantíes de que nun va volver a pasar. | 14.000,00€ |
| LOS AMIGOS DE THIONCK ESSYL D’ASTURIES (LATE ASTURIAS) |
Facer más fuerte’l texíu social y puxar poles competencies productives, l’emprendimientu y lo nuevo per aciu de la ONG Soum Soum Ziguinchor y el GIE Baroncol de Thionck Essyl, pola soberanía alimentaria, formación, infraestructures y meyora na igualdá de xéneru nel entornu. | 14.000,00€ |
| CARITAS DIOCESIANA D’OVIEDO/UVIÉU | Puxar pola xusticia y defensa de los derechos humanos de los pueblos orixinarios na rexón Madre de Dios. | 14.000,00€ |
| FUNDACIÓN JOVENES Y DESARROLLO | Afitar la cadena productiva: Agricultura orgánica soberanía alimentaria, comerciu xustu y procesos participativos con población indíxena Shuar y Achuar de l’Amazonía ecuatoriana. | 13.753,00€ |
